charla en Galicia

Boletín da Rede

boletin1rede

xornadas 2017

Encontro da Rede Educación galega en transición

do 22 ao 24 de setembro de 2017

no EcoEspazo Casa das árbores, Lugar de Garabelos, Chantada

para máis info

O modelo finlandés

Velaí este vídeo extraido da última película de Michael Moore, no que explica como funciona o sistema finlandés de educación sobre o que tantos cacarean- para levar a auga ao seu rego.

Faladoiro en Cangas sobre a Educación Pública- 13 de xullo ás 19.30 horas

Desde a “Rede de educación galega en transicion” queremos abrir espazos públicos de debate nos que familias e profesorado podamos compartir reflexión, experiencia e coñecementos acerca da necesaria transformación da escola pública.

O noso obxectivo é difundir os proxectos que nas escolas públicas xa están en funcionamento con metodoloxías distintas á convencional.

As persoas participantes na charla fundamentarán a necesidade de innovación nas aulas, os distintos trámites e fases do proceso de cambio, o amparo legal, os pros e os contras……

Facemos unha chamada especial a profesorado e familias para que constrúamos unha escola pública centrada nos intereses das persoas. Te invitamos a participar no faladoiro que a Rede organiza o 13 de xullo as 19:30 horas no Salón de Plenos do concello de Cangas o 13 de xullo, ás 19.30 horas

Intervirán:
Inés Santa María Otero

Profesora de Secundaria e fundadora da asociación de libre educación O bosque de beni
Mónica Corbacho Varela

Mestra de Pedagoxía Terapéutica nun CEIP de Redondela
Karina Mouriño–

Mestra de Infantil na Escola Unitaria de Taboaxe, As Neves
Isabel Campos

Membro da ANPA dun CEIP de Vigo
Sonia Couto

Nai do CEIP do Hío

Prégase difusión – aquí podes descargar o cartel se queres colaborar a que todo o mundo se enterere

Para a reflexión sobre as condicións físicas das escolas

Recentemente apareceron estes dous artigos que abren a reflexión sobre o espazo onde se desenvolve a educación oficial: http://www.elperiodico.com/es/noticias/educacion/escuela-innovadora-colegios-rompen-moldes-arquitectonicos-5185547   – http://www.elperiodico.com/es/noticias/educacion/aula-buenas-condiciones-mejora-rendimiento-alumno-estudio-universidad-salford-5184568

Charla de Rosa Conca en Cangas- venres 3 de xuño

SAÚDE INFANTIL E ACOMPANHAMENTO NA INFÂNCIA

Com Rosa Conca
Médica psicóloga biógrafa

Venres 3 de Xunho 17:00
Sala de Plenos do Concelho de Cangas

 

Cartel da conferencia

Matemática Activa

Rexeitamos as reválidas

Desde o nodo do Morrazo queremos apoiar un ano máis as protestas contra as reválidas de 3º e 6º, que se corresponden cun modelo aducativo cada vez máis alonxado das alternativas que defendemos.

Animamos a todas familias na resistencia contra esta aberración e mostramos o noso apoio ao esforzo d@s mestr@s, das anpas de galiza que se rebelan contra esta nova .

Velaí a carta que as anpas propoñen ás familias para comunicar que @s seus fill@s non van participar nesa trapallada:

Iniciativa en Cataluña

Nesta páxina- http://www.escolanova21.cat/-desenvolven unha iniciativa moi interesante (ollo!,non exenta de claroescuros, como o propio feito da presenza de La Caixa como promotora). Como moitas outras propostas que incluimos, a finalidade deste post é plantexar alternativas, sen que nos adiramos acriticamente a iniciativas coma esta .